गान्तोक, : सिक्किमको राजनीतिक परिदृश्यमा थोरै राजनीतिक दलहरूको सक्रीयता भए तापनि बेलाबखत् वाद विवाद र आरोप प्रत्यारोपको बगुन्द्रो र भुङरो ओइरिने गर्दछ।गत सप्ताह सत्तारुढ़ दल, असन्तुष्ट विधायक दल र कांग्रेसी खेमाबाट व्यक्त बयानबाजीले यहॉंको वातावरणमा केही राजनीतिक तापमान बढ़ेको थियो। सिंङलिङमा एक दलका मानिसले अर्को दलको मानिसमाथि खुकुरी प्रहारको आरोप तथा मन्त्रीको वाहनमाथि क्षति गर्ने काण्डलाई लिएर सत्तारुढ़ र असन्तुष्ट विधायक दलको खेमामाथि चर्काचर्की बढ़ेर गएको थियो।

विधायक पीएस गोलेका समर्थक ज्याकोब खालिङले मन्त्री रनबहादुर सुब्बामाथि आरोप लगाउँदै सिङलिङ काण्डमा प्राथमिकी दर्तामा मन्त्रीको पनि नाम उल्लेख भएकोले थानामा बयान दिनुपर्ने बयान दिएका थिए भने सिङलिङ काण्डमा आफ्नो हात नरहेको बयान मन्त्रीले दिएका थिए।उता विधायक गोलेले पनि सत्तारुढ़ दलका नेताहरूले नै आफ्नो पार्टीको संविधानको उल्लंघन गरेको आरोप लगाएका थिए भने सत्तारुढ़ खेमाका प्रवक्ता तथा सांसद पीडी राई, प्रवक्ता भीम दाहालले विधायक गोलेको राजीनामाको माग गरेका थिए।जवाफमा गोलेका असन्तुष्ट दलबाट गोलेलाई सत्तारुढ़बाट हटाएर देखाउने समेत खरो चुनौतिको बयानबाजी पनि भएको थियो।

उता प्रदेश कांग्रेस आई दलबाट पूर्व मन्त्री तथा कांग्रेसी नेता के.एन.उप्रेतीलाई सो दलबाट उनले दल विरोधी काम गरेको आरोपमा निष्कासन गरिएको घटना प्रमुख रह्यो।कंग्रेसका विक्षुप्त गुटबाट यसको प्रतिक्रिया स्वरुप भण्डारीको नेतृत्व भएको प्रदेश कांग्रेस आईबाट निष्कासित हुँदा केही फरक नपर्ने तर दिल्लीबाट यसबारे केही नभएको जनाएका थिए।

आरोप प्रत्यारोपको यो सिलसिलाले भने अब तीन वर्षपछि आउने सिक्किम विधानसभाको चुनाउको लागि आधारहरू बनाउँदै लगिरहेको एकातिर देखा परेको छ भने सिक्किमको राजनीतिमा अब ठोस मुद्धा बिना कुनै पनि दलहरू जन समर्थन प्राप्त नगर्नु सक्ने निश्चित पनि देखिएको छ।बढ़्दो बेकारी समस्या र कतिपय असन्तुष्टताले सिक्किमलाई घेरिरहेको भए तापनि विपुल असन्तुष्टताको राजनीतिक आँधी भने सिक्किममा अहिले आएको छैन।धेरै जसो विकासीय कार्यहरू ठीकसित नभएको, कतिपय उद्योगहरू जन अपेक्षा अनुसार सिक्किममा स्थापना नभएको आदि विषमताहरूले भने भविष्यमा नकारात्मक प्रभाव पार्ने ठाउँ रहेको छ।अहिले सिक्किममा सबै समुदायको हितमा अझ सक्रीय अभियान सरकारले थाल्नु पर्ने साथै अझ विकासीय कार्यहरूलाई जीवन्त र ठोस रुप दिनु सबै शक्ति र विवेक लगाउनु पर्ने चुनौति रहेको छ भने विपक्षीहरूबाट पनि आन्तरिक कलह र आपसी झगड़ा र माम्ला भन्दा सकारात्मक राजनीतिक गतिविधि र भूमिकाको आवश्यकतालाई महसूस गरिएको छ।

किन बढ़दैछ दुराचारीहरू सिक्किममा?

 गान्तोक, अप्रेल 2: बुद्धिजीवीहरू र स्वतन्त्र नागरिकहरूले सही कुरो बोल्नुपर्छ नत्र सिक्किममा मूर्खहरूको बोलबाला चल्छ भनेर मुख्यमन्त्रीले विगतका स्वाधीनता दिवसको आफ्नो वक्तव्यहरूमा भनेका छन्। सिक्किममा अहिले किन दूराचारीहरूको संख्या बढ़्दैछ, यौनकर्मीहरूको संख्या बढ़ेर अब 750 भइसकेको र 1 हजारको सूचांक पार गर्नु लागेको, एच् आईभीको रोगले 205 जनालाई भेटिसकेको तथा नशा वा ड्रग सेवन गर्नेहरूको दिन गुणा चौगुणा वृद्धि भइरहेको कुरो अहिले चिन्ताको विषय बनेको छ।

यौन कर्मीहरूलाई कुन घर मालिकहरूले आश्रय दिइरहेका छन्, कुन होटेलहरूमा उनीहरूको धन्धा चलिरहेको छ भन्ने कुरा राज्यको खुफिया तन्त्र सहित समाजको पनि हो।विशेष गरी शरीर बेचे धन्धाहरू गान्तोक वरिपरि तादोङ डॉंड़ागाउँ, देउराली, 5 माइल, रानीपुलसम्मै फैलिएको र विशेष गरेर एक ठाउँदेखि अर्को ठाउँमा जाने गान्तोकदेखि सिलगढ़ी कालेबुङ, दार्जीलिङतिर झर्ने धन्धामा लिप्त रहेको जानकारी पनि मिडियाहरूबाट आइसकेको छ।

विशेष गरेर आफ्नो बस्ने घरबाहेक पनि फाल्तू घरहरू बनाएर भाड़ामा घर दिनेहरूको संख्या तादोङ, माथिल्लो सिञ्चे, विकास क्षेत्र, तादोङ 6 माइलदेखि रानीपुल बीच बढ़ेर गएकोले यस प्रकारको धन्धा चलिरहेको जानकारीमा आएकोछ।

यौन व्यापारसितै ड्रगको धन्धा पनि सिक्किममा फस्टाइरहेको छ।अहिले केवल यहॉं यौनकर्मीहरूको संख्या मात्र हजारको संख्या पुग्नु लागेको कुरो भइरहेछ तर समाजका भद्र पुरुष कहलाउने व्यक्तिहरू र दूराचारीहरूको पनि यहॉं संख्या गणना भएको छैन।यस बाहेक पनि पर्यटकको रुपमा सिक्किममा आएर यस्तो धन्दा गर्ने तथा ब्लू फिल्म यहॉंको स्थानीय केटीहरूको बनाएर विदेशतिर पठाउने गिरोहलाई पनि चिन्हित गर्ने र पक्राउ गर्ने काम हुनु सकेको छैन।पुलिसलाई पुलिसको भेषमा मात्र होइन, जनताको भेषमा पनि पठाउनु पर्ने तथा कड़ा निगरानी राख्नुपर्ने आवश्यकता पनि छ।पुलिस भनेको वास्तवमा नै जनताले नै जनताको हितको लागि आवश्यकताबोध गरेर जन्माइएको पद हो, तर आज पुलिस जनताको हित र मित्र भएर उदाहरण पेशहरू गर्नु पर्ने अझ आवश्यकता भएको समाजले महसूस गरेको छ।

मुख्यमन्त्री चामलिङमाथि विदेशीको आरोप दिल्ली अदालतद्वारा खारेज

सिङ्ताम: 16 मार्च। (नन्दु दूतराज)  राज्यको विपक्षी पार्टी भारतीय जनता पार्टीका अध्यक्ष पदम बहादुर छेत्री अनि पार्टी उच्चपदस्थ कार्यकर्ता पदम प्रसाद छेत्रीले राज्यका मुख्यमन्त्री डा. पवन चामलिङमाथि दिल्ली उच्च न्यायालयमा लगाइएको दोहोरो नागरिकताको मुद्दालाई हिज कोर्टले खारेज गरेको पार्टी सूत्रद्वारा थाहा लागेको छ। यसै विषयमा सिङ्तामस्थित एसडीएफ पार्टी शाखा कार्यालयमा क्षेत्र विधायक एम प्रसाद शर्मा, सिङ्ताम नगरपञ्चायत पार्षद् सावन प्रधान, मिनाकुमारी छेत्री, विष्णुमाया शेर्पा, अनिता तामाङ, रामनरेश प्रसाद, कोअर्डिनेटर सुरेश प्रधान, विनोद पाण्डे, गुप्ता सुब्बा, उप-संयोजिका मनमाया गुरूङ, पूर्व जिल्ला युवा उप-संयोजक तेञ्जिङ शेर्पा, सिईसी सदस्य कृष्ण छेत्री अनि भारी संख्यामा पार्टी कार्यकर्ताहरूको विशेष उपस्थितिमा पटेखा पड़काएर हर्ष प्रकट गर्दै मुख्यमन्त्रीप्रति बधाई टक्राए। यस अवसरमा विधायक शर्माले यो जित सत्यको जित रहेको दावी गर्दै मुख्यमन्त्री पवन चामलिङ सदैव गरीब जनताको सेवा गर्ने एक सत्यवादी सेवक रहेकोले आज उहॉंको सत्यको जित भएको छ, जसको निम्ति हामी सम्पूर्ण सिक्किमे जनताले हर्ष प्रकट गर्नुपर्ने बताए। हाम्रा नेतालाई यसरी नचॉंहिदो र गलत दृष्टिकोणले हेर्ने व्यक्तिहरूसित सबै सचेत र सतर्क रह्ने पनि विधायक शर्माले सुझाउ दिएका छन्। यसरी नै तुमिन- लिङ्गीका विधायक एवं राज्य सरकारका मुख्य सचेत उगेन टी. ग्याछो भोटियाको विशेष उपस्थितिमा पनि हिज सॉंझ यहॉंको साङ्ग्रिला होटल अघि  सिङ्ताम बजारमा पटेखा पढ़काएर मुख्य मन्त्रीको जितमा सबै पार्टी कार्यकर्ताहरूले हर्ष प्रकट गरिएको थाहा लागेको छ।

स्मरणरहोस्, मुख्यमन्त्री चामलिङ भारत र नेपाल दुइ देशको नागरिकता रहेको आरोप लगाउँदै बीजेपीका अध्यक्ष पदम बहादुर छेत्री अनि पदम प्रसाद शर्माले दिल्ली उच्च न्यायालयमा मुद्दा हालेका थिए।

दुई गुटको झगड़ामा विधायकको गाड़ीमा हम्ला

गान्तोक, प्राप्त जानकारी अनुसार सत्तारुढ़ सिक्किम प्रजातान्त्रिक मोर्चाका समर्थक तथा सिङलि-सोरेङका विधायकका समूह र सो इलाकाको वर्तमान विधायक रनबहादुर सुब्बा र सत्तारुढ़ दलका विक्षुप्त विधायक प्रेमसिङ्ग तामाङ वा पीएस गोलेका समर्थकमाझ झगड़ा हुँदा एक व्यक्ति गम्भीर रुपले घाइते भएको र विधायकको गाड़ीमा हम्ला गरी विक्षुप्त व्यक्तिहरूले क्षति पुराइदिएको छ।

गत 18 मार्चको बेलुकी सो घटना भएको जानकारी दिंदै पीएस गोले समुहको एक कार्यकर्ताले बयान गरेको विज्ञप्तिमा सो हम्ला वर्तमान सत्तारुढ़ दलको घट्दो जन समर्थनको हताशाको कारण भएको आरोप लगाइएको छ तथा विधायकको आफ्नो क्षेत्रको भ्रमणमा त्यति सौहार्दमूलक स्वागत नभएको कारण पनि उनको समर्थकहरूले हम्ला गरेको जनाइएको छ।

एसडीएफ दलबाट यसबारे अहिले यो समाचार लेख्दासम्म बयान नआए तापनि यस प्रकारको आपसी हम्ला राज्यमा निन्दनीय रहेको पर्यवेक्षकहरूले जनाएका छन्।

सिक्किममा नशालु पदार्थको ओसार पोसार

गान्तोक, मार्च 18: सिक्किममा नशालु पदार्थको ओसार पोसारको सिलसिला पुलिसले कैयन् व्यक्तिहरूलाई पक्रे पनि जारी रहिरहेको छ।राज्यदेखि बाहिर सिलगढ़ीबाट आइरहेको एउटा गाड़ी तलासी लिंदा वाहनको पछाड़ीपटि लुकाइराखेको 390 एन.टेन. अनि 1284 क्याप्सुल स्प्रेमोप्रोक्सीवन फेला पारेको छ। सो वाहन संख्या 02-7189का चालक 31 वर्षीय कर्णबहादुर खाती र रम्फू बजारका एक युवक 31 वर्षीय राजेश दर्जीलाई पनि पुलिसले पक्राउ गरेको छ।उनीहरू विरुद्ध ड्रग ओसार पोसार विरुद्ध ऐन अन्तर्गत मुद्धा दर्ता गरिएको छ भने वाहन पनि कब्जामा लिएको छ।

पुष्प प्रदर्शनीमा मिलन राई  प्रथम

गान्तोक, मार्च 17: सिक्किमको पुष्प उत्सवको अवसरमा आयोजित प्रतियोगितामा पुरस्कारको हालै घोषणा भएको छ। दार्जीलिङ, मिरिकका निवासी मिलन राईले यसपालि पनि आफ्नो विशिष्ट पुष्प प्रर्दशनीमा पुरस्कार प्राप्त गरेर लगातार 6 पल्टसम्म पुरस्कार प्राप्त गर्ने व्यक्ति बनेका छन्, जसले अहिलेसम्म 6 लाख रुपियॉं पुरस्कार प्राप्त गरिसकेका छन्। हाम्रा सम्वाददाताले जनाए अनुसार उनले अहिले 70 वटा गमलामा जम्मा 45 थरी वा प्रजातिका पुष्पहरू यसपालि प्रदर्शनीमा ल्याएका छन्।प्रत्येक वर्षको 17 मार्चदेखि आयोजित राज्य पुष्प प्रदर्शनी अब सिम्बिडियम अर्किड पनि आयोजन गरिएको छ। यो सिम्बिडिय सुनखरीको प्रदर्शनी 17 मार्चदेखि 15 अप्रेलसम्म आयोजन गरिने वन संरक्षण विभागका सचिव एसटी लाचुङपाले पत्रकारहरूलाई जनाएका छन्।

यसपालिको पुष्पप्रदर्शनीमा जम्मा 787 गमलामा पुष्पहरू लगाइएको थियो, जसमा विभिन्न दल तथा व्यक्तिहरूले विभिन्न पुरस्कार पनि जितेका छन्।

दुई जना अमेरिकी प्याराग्लाइडर पुलिस हिरासतमा

गान्तोक, गत 18 मार्चको दिन नेपालबाट पश्चिम सिक्किम सीमानामा दुई अमेरिकन् पर्यटकहरू प्याराग्लाइडिङ गरेर उत्तरेमा झरेका थिए।सिक्किमको कुनै भागमा आउनुको लागि विदेश नागरिकहरूले इनर लाइन् पर्मिट हासिल गरेको हुनुपर्दछ तर यी दुई अमेरिकन् नागरिकहरूको साथमा सो दस्तावेज नभएपछि पुलिसले उनीहरूलाई पक्रेको छ।

थाहा लागे अनुसार उनीहरू नेपाल भएर सिक्किममा आउने कार्यक्रम रहेको थियो, तर उनीहरू स्वयं आएर इनर लाइन् पर्मिट नबनाएर अरू कसैले सोही दिन इनर लाइन पर्मिट बनाइदिएको अनि यो कार्यसित यहॉंको दुई जना स्थानीय व्यक्तिहरू पनि संलग्न रहेको कुरो जानकारीमा आएको छ। पुलिसले ती जनालाई पनि पक्राउ गरी अहिले सोधखोज गरिरहेको छ। 

सिक्किम-सिलगढ़ीमा बढ़दो यौन कर्मी-केटी  लैजाने गुट सक्रीय

गान्तोक, 30 अक्टोबर:(हिस): सिक्किममा अहिले एड्स् रोगीहरूको संख्या लगभग 200को आंकड़ा पुग्दैछ भने सिक्किम-सिलगढ़ीको मार्ग भएर ओहोरदोहोर गर्दै वेश्यावृति गर्नेहरू अथवा यौन कर्मीहरूको संख्या पनि लगभग हजारको संख्यामा रहेको गैर कतिपय सरकारी प्रतिष्ठानहरूको स्वतन्त्र खोजीबाट थाहा पाइन्छ।

विशेष गरी डुवर्स,सिलगढ़ी तथा अन्य राज्यहरूबाट दलालहरू कुनै न कुनै कामको निहुँ गरेर दिन्हौ सिक्किममा पस्ने गरेको छ। धेरै जसो कुल्ली तथा घर निर्माणका काठपाठ, बिजुली जड़ान गर्ने, पानीको पाइप गर्ने, सिमेन्ट र ढलाइको काम गर्ने मिस्त्री रहेको छ भने कतिपय युवतीहरू होटेलतिर काम गर्ने बहाना बनाएर राज्यमा भित्रिने गरेको थाहा लागेको छ।

सिक्किम पुलिसको आधुनिकीकरण गर्ने र रम्फू चेक पोस्टमा संशाधनको प्रश्न

गान्तोक, अक्टोबर 30: (हिस): सिक्किममा पर्यटनको विकास साथै निर्माण कार्यहरू पनि विगतको एक दशकभित्र दोबर, तेबर बढ़ेर गएकोले दिन्हौं नयॉं नयॉं मानिसहरू सिक्किममा प्रवेश गर्ने क्रमहरू अहिले बढ़ेर गएको छ।सिक्किममा काम गर्नु र घुम्नु मात्र यहॉं पर्यटक एवं मानिसहरू नआएर कतिपय अपराधिक मानिसहरू पनि प्रवेश गर्ने गरेको छ।पुलिसको आँखामा धुलो हालेर सिक्किम पस्ने यस्ता कतिपय दुष्कर्मीहरूमा यहॉंको गाउँको सिधा साधा तथा गरीब बालिकाहरू फकाइ फुस्लाइ गरेर नोकरी दिने लालचमा आउने दलालहरू, यौनकर्मीहरू, ड्रग ओसार पोसार गर्नेहरू, झुटो कम्पनी खोलेर पैसा कुम्लाएर भाग्नेहरू आदि असामाजिक तत्वहरूको रगरगी पनि निक्कै बढ़ेको छ।

यस्ता अपराधी-हरूलाई पक्रिनुको लागि अहिले सिक्किमको प्रवेशद्वार रम्फू चेक पोस्टमा बाहिरबाट आएको वाहनहरू चेक गर्ने कार्य थालेको भए तापनि 24 घण्टा नै खटिरहने पुलिस कर्मीहरूको संख्या भने आवश्यकताभन्दा कम रहेको छ।दिन्हौ हजारको संख्यामा सिक्किम पस्ने वाहनहरूलाई राम्ररी चेक् गर्नुको लागि कम्तीको पनि 10 जना पुलिस कर्मीहरू खटेको हुनुपर्दछ, जसले राम्ररी परिचय पत्र र यात्रुहरूको जॉंच गर्नु सकोस्, अल्छी नमानी गोटा गन्ती यात्रीहरूको जॉंचबुझ गरोस् तथा सामानहरूको पनि तलाशी लिने काम गरोस्।लामो तॉंतीमा आएको वाहनहरूलाई राम्रोसित चेक् गर्नु नपाइकनै छोड़िदिनु पर्ने बाध्यता अहिले घटाइएको तीन चार जना पुलिस कर्मीहरूमा देखिएको छ।

पुलिस कर्मीहरूको कमीमा कतिपय व्यक्तिहरू झुटो परिचय पत्र देखाएर प्रवेश गर्ने सम्भावना पनि रहेको छ भने यस पंक्तिकार धेरैपल्ट ट्याक्सी बाहनमा सिलगढ़ीबाट प्रवेश गर्दा फोटो कपी गरेको परिचय पत्र देखाएर पनि प्रवेश गरिरहेको कतिजनालाई अनुमति दिइएको थाहा लागेको छ।परिचय पत्र जस्तो विषय संवेदनशील हो तथा असली परिचय पत्र देखाउनु लगाएर साथै राम्ररी छानबीन गरेर मात्रैै सिक्किम प्रवेश गराउनु भने जरूरी छ।

यसको साथै रम्फू गेटमा नै सीटीभी लगाइनु जरुरी रहेको छ, जसमा पुलिसहरूले नजर दिनु नसक्ने अपराधीहरूमाथि 24 घण्टै नजर राख्नु सकोस्।

अर्कोतिर आधुनिक तकनीक तथा कम्प्युटर र इन्टरनेज जानेको पुलिस कर्मचारी रम्फू गेटमा 24 घण्टै हुनु आवश्यक छ। राज्यभित्र र देशभरिका अपराधीहरूको फोटो एक साथ कम्प्युटरमा हेर्नु सक्ने तथा जॉंच गर्नु सक्ने तथा कुनै ठाउँबाट एक घण्टा अघिमात्र भागेको कुनै मानिस वा अपराधीको फोटो पनि इन्टरनेट र इमेलबाट तत्कालै पाएर सबै जॉंचकर्ता पुलिसहरूलाई उपलब्ध गराउनु सक्ने हुनुपर्दछ। दुर्भाग्यको कुरो, एक जना व्यक्तिको घर गान्तोकबाट एक जना घरको सहयोगी घरबाट भागेर निस्केको खबर एक घण्टाभित्र थाहा पाएर राज्यबाहिरबाट इमेलमा फोटो रम्फू पुलिसलाई पठाइदिने बन्दोबस्त गर्दा पनि रम्फू पुलिस चौकीमा इन्टरनेट नभएकोले सो गर्नु नसकेको एक भुक्त भोगीले बताएका छन्।